Budhapa - Old Age

Total Views : 629
Zoom In Zoom Out Read Later Print

Al-Hasan Al-Basri said: "An old woman came to the Prophet (Allah bless him and give him peace) and said: 'O Messenger of Allah, beseech Allah to let me enter the Garden of Paradise!' He replied: 'O Mother of So-and-so, no old woman will enter the Garden of Paradise!' She turned away weeping, so he said: 'Tell her that she will not enter it as an old woman, for Allah says: ‘We have created them a new creation, and made them virgins, loving, equal in age [inna ansha’na-hunna insha’a: fa-ja'alna-hunna abkara 'uruban atraba].’” (Al-Qur'an; 56:35-37)

Budhapa har kisi ke liye ek napasand chiz hai. Nabi sallallahu alaihi wa sallam ne sirf budhape se nahi balki khoosath budhape se panah mangi hai. Khusath Budhape me insan kamzor, bebas, lachar aur mohtaj ho jata hai. Jab ek khas umr par insan pachuch jata hai, tab uske baal safed hone lagte hain, chehre par jhurriyan aane lagti hain aur jism ke kuch aaza jaise ki hath, panw, kaan aur aankhen kamzor hone lagte hai. Lekin iske bawajood dekha gaya hai ki kuchh log jismani taur par umr ke taqaze ke bad bhi is qadr mazboot hote hai ki woh ghodesawari (horse riding) bhi karte hai, excercise bhi karte hain, apne aapko heathly aur fit rakhte hain, unka dimag aur aankhen bhi ma sha Allah tez hoti hai, aur shooting me unka nishana perfect hota hai aur kuch to pahado par chahdaan bhi karte hain. Kaee logo ko dekha gaya hai ki 50-60 saal ki umr me bhi Quran hifz karte hain. Unki memory aur haafiza sharp hota hai. Isiliye kaha jata hai ki khoosath budhape ka talluk umr ke sath nahi hai, jismani qaifiyat ke sath hai.
Nabi sallallahu alaihi wa sallam imam ul ambiya hain, aur Allaah ke behtareen bande, duniya ke behtareen shauhar, behtareen baap, behtareen qayed (leader), behtareen dost aur behtareen sipah salar sabit hue. Ek martaba Abu Bakr radiyallaho anho ne unhe budhape ke aasar nazar aane ki wajah se puchha to farmaya "Sūrah Hūd, Sūrah Wāqi’ah, Sūrah Mursalāt,Sūrah Naba’ aur Sūrah Takwīr ne mujhe budha kar diya hai.”(mafhoom, aw qama qaal) Abu Bakr radiyallaho anho ne aise kya aasar dekhe the? Arabic me ‘Shayb’ lafz kaale balon ke grey aur white hone ke liye istemal hota hai. Nabi sallallahu alaihi wa sallam ki wafat ke waqt bhi unki dadhi mubarak aur sir ke baalon me 20 se zyada safed / gray baal nahi the.
Yahi Abu Bakr radiyallaho anho hai, ki jab unke waalid Abu Quhafah fatah Makkah ke mauqe par iman laate hain aur jab Nabi sallallahu alaihi wa sallam ki khidmat me hazir hote hain to unke safed balon ko dekh kar Nabi sallallahu alaihi wa sallam unhe advise dete hain ki aap khizab lagaiye. Ek baar jab Nabi sallallahu alaihi wa sallam masjid e nabawi me apni duniya se rukhsati ki peshangoyi kar rahe the, to Abu Bakr radiyallaho anho rone lage, kisi ne kaha "is budhe ko kya ho gaya ki yeh ro raha hai". Aur kuch hi arse ke baad Abu Bakr (Nabi sallallahu alaihi wa sallam ki wafat ke baad) khalifa bane aur unki khilafat ki career ki shuruaat hui, duniya jaanti hai ki unka governance aur administration bemisaal tha.
Ek aur hadith ka mafhoom hai ki Nabi sallallahu alaihi wa sallam ne aisi biwi (wife) se panah mangne ki dua sikhlayi jo insan ko budhape se pehle budha kar de.
In sab bato ka conclusion yeh hai ki insan ko jitna bahari taur par, physically jismani taur par fit rahna zaroori hai, utna hi roohani sehat bhi lazim hai. Uska Allah par tawakkal aur yakeen, ki mein chahe kitni hi badi mushkil me phasa hua kyon na hu, ek na ek din Allah mujhe rahat aur sukoon ke lamhe ata karega, uski sehat yaabi ke liye bahut fayedemand sabit hoti hai. Jism chahe thaka hua hai, chahe sidhiyan chadh kar sanse phool jati ho, chahe jismani takaleef aur dard se pareshan ho, agar use apne Rab par kaamil yakeen aur bharosa ho ki agar mein taqwe ki zindagi guzaruna, sabr o tahammul se kaam lunga, deen par sabit kadmi ke sath jama rahunga, to phir yeh aazmaish, yeh budhapa aur yeh jismani bimariyan sirf maut ki had tak hogi, uske baad in sha Allah rahat hi rahat ki zindagi hai, aur mujhe nafs al mutmainnah hasil hoga, is zehan sazi ki khas zaroorat hai.
Nabi sallallahu alaihi wa sallam ke pas ek budhiya aati hai aur puchhti hai ki kya mein jannat me jaungi, to mazak me Nabi sallallahu alaihi wa sallam ne kaha, budhi auraten jannat me nahi jayegi, woh jab mayoos ho kar jane lagi to sahaba ko bhej kar Nabi sallallahu alaihi wa sallam ne use bulwaya aur kaha ki budhi auraten jannat me nahi jayengi, balki woh phir jawan bana kar jannat me dakhil ki jayegi, is par woh khush ho gayi. Jannat me na dard hai, na takleef, na budhapa, na ranjo gham, na pareshani, na jismani masail, na hasad, na qeena, na kapat, na bughz o adawat. Allah hum sab ko sehat aur aafiyat ata farmaye aur hame jannat ka mus'tahiq banaye. Aamin.
Al-Hasan Al-Basri said:
"An old woman came to the Prophet (Allah bless him and give him peace) and said: 'O Messenger of Allah, beseech Allah to let me enter the Garden of Paradise!' He replied: 'O Mother of So-and-so, no old woman will enter the Garden of Paradise!' She turned away weeping, so he said: 'Tell her that she will not enter it as an old woman, for Allah says: ‘We have created them a new creation, and made them virgins, loving, equal in age [inna ansha’na-hunna insha’a: fa-ja'alna-hunna abkara 'uruban atraba].’” (Al-Qur'an; 56:35-37)
Grade: Da'if Isnād (Zubair `Aliza'i)
Reference : Ash-Shama'il Al-Muhammadiyah 239
In-book reference : Book 35, Hadith 6

See More

Latest Photos