ILLITERACY AND DOWNFALL OF MUSLIMS IN INDIA

Total Views : 1,682
Zoom In Zoom Out Read Later Print

India ke sab se pehle education minister Abul Kalaam Azad the jo ki ek muslim the. India ko nuclear super power banane me bahut bada hath hamare muslim scientist Dr. Abdul Kalam ka tha. Humne is mulk me Aligarh Muslim University qayam ki, humne is mulk ko Osmania University di, Jamia Hamdard (Delhi) ka tohfa diya, hamare paas Jamia Millia Islamia (New Delhi) hai, minorities me iLm ko aam karne me Aliah University (Kolkata) ne aham role nibhaya hai aur hamare paas Maulana Azad National Urdu University bhi hai. Phir kya baat hai ki aaj hume log kam padha likha, illiterate tabqa aur uneducated qaum maante hain?

Aaj media ke baaz goshe aur kuchh naam nihad educationist hum musalmano par tanz karte hain ki musalmano me education ki kami hai, illiteracy zyada hai, taleem ka meyar gir raha hai jiski wajah se garibi (poverty), economic status, berozgari (unemployment) aur isi tarha standard of living ya lifestyle bhi niche ja rahi hai. Yeh kitni hadd tak sahi hai aur agar waqayi aisa hai to iski wajah kya hai? thewire.in ke mutabiq 2016 me yani ki aajse taqreeban 3 sal pahle ke figures ke mutabiq musalmano me illiteracy (anpadh) 42.72% thi, jo ki Hindus, Christians wagairah ke muqable me sabse zyada illiteracy rate tha. Aur woh batate hain ki India me Jain community (yeh hindu nahi hai) sab se zyada padhi likhi (84.7%) literacy rate, aur phir unke baad Christians (74.3%), Buddhists (71.8%) aur Sikhs (67.5%) hain, aur in sab ke muqable me Hindustan ka musalman sab se kam literate hai, yani in sab se kam padha likha tabqa hai. Aur agar sare India ka mutala kiya jate to Kerala ke muslims me sab se zyada education hai.

Aakhir aisa kyon hua? Wasaail (resources) hone ke bawajood aur scholarships, incentives hone ke bawajood logo me iLm haasil karne ki jaddo jahad, tadap, jazba aur shauk kam ho gaya yeh to bilkul wazeh (evident) baat hai. Agar kisi sahaba ke paas mehar ki rakam na hoti aur quran yaad hota to Nabi sallallahu alahi wa sallam isi ko uska mehar thehra dete the, yani ki woh apni biwi ko quran yaad karwa de ya sikha de yahi uski mahar hogi. Jab jung me qaidi pakde jate to kuchh mauqo par unhe is buniyad par riha kiya jata ki unke paas jo iLm hai, woh muslamano ko sikhla de. Is tarha iLm ki ahmiyat kya hai yeh islam ne hame batlaya. Lekin is ummate wast aur khair e ummat yani muslamano ki girawat ya downfall ki wajah ko samajne ke liye hame kuchh khas nukto par (points par) ghaur karna hoga.

India ke sab se pehle education minister Abul Kalaam Azad the jo ki ek muslim the. India ko nuclear super power banane me bahut bada hath hamare muslim scientist Dr. Abdul Kalam ka tha. Humne is mulk me Aligarh Muslim University qayam ki, humne is mulk ko Osmania University di, Jamia Hamdard (Delhi) ka tohfa diya, hamare paas Jamia Millia Islamia (New Delhi) hai, minorities me iLm ko aam karne me Aliah University (Kolkata) ne aham role nibhaya hai aur hamare paas Maulana Azad National Urdu University bhi hai. Phir kya baat hai ki aaj hume log kam padha likha, illiterate tabqa aur uneducated qaum maante hain?> Christian Missionary Schools ki buniyad zyada purani nahi hai. Aaj ke contemporary aur modern ya convent education ki history 500 years se zyada purani nahi hai aur hum sab jaante hain ki Islam ki tareekh 1440 saal poorani hai aur hamare Nabi Muhammad Sallallahu alaihi wa sallam ne hame Qur'an ke zariya iLm ka itna bada zakheera diya hai ki saari duniya ki corporate trainings, universities aur educational institutes mil kar bhi sahaba e kiram radiyallahu anhum ajmaeen jaisi ek shakhsiyat bhi paida nahi kar sakte. Kisi bhi formal training ke baghair jab islam sarbulandi par aaya aur jab islami huqumat jazeeratul arab me qayam hui to Nabi sallallahu alaihi wa sallam ne kisi sahaba ko kisi ilake ka governor banaya, kisi ko treasurer banaya, kisi ko sipahsalar, kisi ko military head, aur isi tarha alag alag ohdo par jis kisi ko fayaz kiya, har kisi ne apna mansab aur role itna ba'khoobi nibahaya ki aaj tak kisi mulk me koi itna chain o aman aur good governance aur best administration nahi la saka.

Baat dar'asl yeh hai ki jab hum khud'garzi me mubtala ho gaye, muslamano me ek doosre ke liye humdardi ka jazba chala gaya, Syria, Afghanistan, Palastine, Kashmir wagairah me jab kisi muslaman par zulm ho ya musibat aaye to doosre ilake ke musalmano ke sar par bilkul bal nahi padta, ki yeh to waha ke musalman hain, hame inse kya lena dena? Aur jab muslamano me shadi byah ke ya deegar mauqo par israaf aur rishto ki buniyad par bhi ek doosre ka khoon choosne ki gandi sifat paida ho gayi, jab musalmano ne apne bhai ka maal haram tarike se hadap karna shuru kar diya (chahe woh tijarat me beimaani ho, amanat me khayanat ho, qarz na chukane ka mamla ho, soodi karobar ho, jahez ki rakam ho ya, logo ki zameen jayedad dabane ka masla ho, lalach aur hawas ki buniyad par dhokadhadi ho ya virasat ke mamle me gadbad ho) to phir Allah ne is qaum ki azmat aur waqar ko chhen liya. Muslaman entertainment me mubatala ho gaye aur apna aur apne aal aulaad ka waqt zaya karne lage. Satellite channels ne aur mobile phones ne is jalti hui aag me ghee daalne ka kaam kiya. Is tarha hubb-ad-dunya (duniya ki mohabbat) deen par aur iLm hasil karne ke raaste par ghalib aa gayi. Aaj soorat e haal yeh hai ki muslaman sari duniya se darta hai aur saari duniya musalmano se darti hai!

800 million Muslims out of 1.4 billion are illiterate”

Muslimstatistics.Wordpress.Com

Al-garz muslmano ki pasti, bad'haali aur giravat ke aham sabab wohi char sabab hain jiske zariye ya to insan urooj pata hai ya zawal. Aur woh hain aqeeda, ibadaat, akhlaqiyat aur muamlaat. Allah ke siwa kisi aur se ummeed lagne aur najaiz waseele talab karne aur dua-go hone ka bura aqeeda, ibadat me Nabi sallallahu alaihi wa sallam ke upar imamo ki baato ko musallat karna, akhlaqi bigaad (chahe woh ghar me ho ya ghar ke bahar ki zindagi me) aur muamlaat me gadbad (jaise ki upar batlaya gaya) woh char chize hain jinme agar kotaahi ho jaye to insan ka deen aur uski duniya dono tabaho barbaad ho kar rah jati hai. Hamare deen me hi hamari duniya hai.

Allah hum sabke aqeede ko pukhta aur durust banaye, hame Nabi sallallahu alahi wa sallam aur salaf e saliheen ke raste par chal kar sahi tarike se ibadato ko anjam dene ki tawfeeq ata farmaye, hamare akhlaaq ko sanwaar de aur hamare muamlaat ko durust kar de. Aamin.

See More

Latest Photos